Em tchère Alphonsine, ti, chl’élue d’min tchoeur !
En t’in foais don point !
Ech cérusien i m’o dit eq j’avoais coér ed belles énèes si j’én berzille point min dos in guinchant conme un jon-ne honme ! Tu n’sros point vève édvant d’nos mérier !
Ti, pi tous chés gins qu’iz étoait’t épaveudès pèr émn avinture à Flichcourt, i peut’t és rapurer ! Ej sus-t-un dur à tchuire, mi, conme tous chés gayants !
Ej sro rétampi por gambiller à ch’Forum ed chés Gayants à Cambrai au mitan d’ech moés d’octobe.
Inter nous, em tindre Alphonsine, ch’est t’bieutè qu’al m’o rinversè à l’fin d’ech Festival, quind qu’tu m’os imbrachè, aveuc tous chés pipassos rassan-nès qui cornoait’t alintour !
Ej guérine d’impatiènche éd vos rvir, ti, emn amoureuse, pi vous, tertous, mes gins !
Adé !
Vo boin gayant, Fleurimond Long Minton